لو مش عايز تصدق إن اللي نزلوا في ثورة يناير إتضحك عليهم وإتسرقت منهم ثورتهم من النظام الحاكم
إنت حر .. متصدقش
لو مش عايز تصدق إن وصول الإخوان للحكم دا عن طريق صفقة تمت بينهم وبين المجلس العسكري
إنت حر .. متصدقش
لو مش عايز تصدق إن الإخوان طول عمرهم أداة في إيد النظام الحاكم بتستخدم لصالح النظام
إنت حر .. ماتصدقش
لو مش عايز تصدق إن الإخوان مش بدرجة الإرهاب والفذاعة اللي بتوصلنا من الإعلام والنظام
إنت حر .. ماتصدقش
لو مش عايز تصدق إن الإعلام هو إعلام موجه وإعلام النظام الحاكم وبيقول اللي مسموحله واللي النظام الحاكم عايز يوصله للشعب بس
إنت حر .. ماتصدقش
لو مش عايز تصدق إن الشعب دا ماخترش أي حاجة من 2011 "ومن قبل طبعًا" ولحد دلوقت في كل الإنتخابات والإستفتاءات اللي إتعملت وإننا بيتلعب بينا من النظام الحاكم
إنت حر .. متصدقش
لو مش عايز تصدق أن النظام الحاكم هو نظام قامع للحريات ومش عايز يسمع أي صوت يعترض على اي حاجة بيعملها
إنت حر .. متصدقش
لو مش عايز تصدق إن أي إنجازات بتتعمل من النظام الحاكم هي مجرد غلوشة على إستمرار الفساد والإستبداد
أنت حر .. ماتصدقش
لو مش عايز تصدق إن البلد دي فيها فلوس وموارد كتير مش بتستغل لصالح الشعب لكن لصالح النظام الحاكم ورجال أعماله بالسرقة والنهب
إنت حر .. متصدقش
لو مش عايز تصدق إن القضاء هو تحت سلطة النظام الحاكم مش تحت القانون
إنت حر .. ماتصدقش
لو مش عايز تصدق إن في ناس بتتاخد من بيوتها وتعتقل وتتعذب عشان بس معترضة على الإستبداد
إنت حر .. ماتصدقش
لو مش عايز تصدق إن في كتير في السجون والمعتقالات متلفقلهم تهم وقضايا وهما أبرياء
إنت حر .. ماتصدقش
لو مش عايز تصدق إن السجون والمعتقلات فيها تعذيب وتحرش وإغتصاب وهتك أعراض للذكور والإناث
إنت حر .. ماتصدقش
لو مش عايز تصدق إن في ناس بتموت لحد دلوقت في السجون من كتر التعذيب
إنت حر .. ماتصدقش
لو مش عايز تصدق إن الشرطة هي لخدمة النظام وعمرها ماهتكون لخدمة الشعب والبلطجة هي منهجها المستخدم باستمرار
إنت حر .. ماتصدقش
إنت حر إنك ماتصدقش أي حاجة من كل الحاجات دي.
ومن حقك تصدق اللي إنت عايز تصدقه وتشوف اللي إنت عايز تشوفه.
بس من فضلك سيب اللي شايف الحاجات دي وأكتر منها بكتير في حاله.
كفاية تخونه وتوصفه بالعمالة.
كفاية حتى تسخر وتقلل منه ومن تفكيره وتوصفه بإنه أهبل ومضحوك عليه.
كفاية تشيله كل مصيبة في البلد وتقول هو السبب واللي خربها.
أرجوك صدق اللي إنت عايز تصدقه وسيب غيرك في حاله.
ليست هناك تعليقات:
إرسال تعليق