شكلي حلو ؟!!

مش لازم كل صوري يكون شكلي فيها حلو ..

مش لازم دايماً لبسي يكون شيك وأنيق ومتناسق ..

مش لازم كل كلامي يبقى لبق ومرتب ..

مش لازم كل تصرفاتي تعجب الناس ..

مش بس مش لازم دا المفروض مايكونش لازم.

مفيش إنسان حلو وشيك ولبق طول الوقت.

مفيش إنسان, كل الناس موافقة على شكله ولبسه وكلامه وتصرفاته.

وإن إتوجد الشخص دا يبقى في حاجة غلط.

عشان اللي بيحاول يرضي ويعجب كل الناس دا شخص بلا هاوية, مالوش كيان ثابت, بيتشكل عشان يرضي غيره وعمره ما هايعرف يعمل كده.

إنشغالي إني أعجب وأرضي كل الناس كل الوقت في رأيي دا دليل على عدم إحساسي بقيمتي.

لإني بحاول أحصل عليها من خلال قبول وإعجاب ورضا الناس عني.

بحاول ألاقي لنفسي قيمة من كل ماهو خارجي.

ومهما حاولت أجمل اللي بره عمره ماهيديني قيمة لان قيمتي جوايا مش برايا.

وقت ما أستوعب دا, مش هايفرق معايا شكلي حلو ولا لأ قدام الناس أو رأيهم فيه إيه.

شوية أفكار قريبة من الفكرة دي :
إنسان وبس.
بدون ألقاب.
في منك تاني؟
قليلون.
كيف سأتصرف أنا.