قليلون.

مَا أَضْيَقَ الْبَابَ وَأَكْرَبَ الطَّرِيقَ الَّذِي يُؤَدِّي إِلَى الْحَيَاةِ وَقَلِيلُونَ هُمُ الَّذِينَ يَجِدُونَهُ. (متى 7 :14 )
كلمات قالها المسيح.
وكتير بتيجي في بالي الكلمات دي مش بس على الأشخاص اللي بيؤمنوا بالمسيح.


لكن كتير بيجي في بالي إن:
قليلون اللي بيطبقوا العدل والقانون على نفسهم زي مابيطبقوا على غيرهم.
قليلون اللي بيفكروا ويشغلوا مخهم ومش بيمشوا ورا أي كلام بيتقال.
قليلون اللي بيعرفوا يحسوا بغيرهم.
قليلون اللي بيعيشوا اللي بيقولوا.
قليلون اللي بيحبوا بجد مش لمصالح شخصية.
قليلون اللي بيكونوا قدوة حقيقية للي بيتباعوهم.
قليلون اللي متصالحين مع نفسهم.
قليلون اللي بيعترفوا بأخطائهم.
قليلون اللي عندم بصيرة وبيميزوا بين الحقيقي والمزيف.
قليلون اللي بيساعدوا غيرهم لغيرهم مش لمصالحهم.
قليلون اللي عندهم هدف واضح عايشين علشانه.
قليلون اللي قادرين يستمتعوا بالحياة رغم صعوبتها.
قليلون اللي عارفين إمكانيتهم اللي الله إدهلهم وعارفين يستخدموها.
قليلون اللي أمنا مع نفسهم وبيفحصوا تصرفاتهم وأقوالهم.
قليلون اللي عندهم إرادة للتغيير برغم الصعوبات اللي بتواجههم.
قليلون اللي لما بيغلطوا بيعرفوا يكملوا ويتعلموا من غلطهم.
قليلون اللي بيقدروا يعتذروا.
قليلون اللي بيقولوا لأ للظالم ويسندوا المظلوم.
قليلون اللي عارفين هم عايزين إيه.
قليلون اللي صادقين مع نفسهم قبل مايكونوا صادقين مع غيرهم.
قليلون اللي بيعّدلوا ويطوروا من نفسهم لنفسهم.
قليلون اللي بيحبوا من غير شروط.
قليلون اللي بيحترموا حرية غيرهم.


الأغلبية مش معناها الحق أو الصح أو ...
ياترى إنت من القليلون ولا من الأغلبية ...؟