قصيت شعري.

من فترة كدا كنت قصيت شعري.

وطلع وحش أوي :)
ولان قص الشعر مفيهوش راجعة فبقيت مستنية اليوم اللي فيه شعري يطول وأغير القصة دي اللي مش عجباني.

حقيقي الإنتظار سخيف.

لكن دا مش هيغيير من إن في حاجات مش هاتحصل غير لما تاخد وقتها.

مهما حاولت أعجلها.

مهما قولت مش قادرة أصبر.

حتى لو كل حاجة حواليا ماشية بايقاع سريع جداً،

في حاجات مش هتُجبر تمشي بايقاع عصرنا، لكن هتاخد وقتها.

لو عايزة أخس مش ممكن هاخس في يومين تلاتة.

لو عايزة أتعلم مهارة أو لغة جديدة مش ممكن هاتعلمها في حصتين تلاتة.

لو عايزة أعرف شخص مش ممكن هاعرفه في مقابلتين تلاتة.

لان حقيقي اللي بيجي بسرعة بيروح بسرعة.

في عصر ال takeaway وال shortcut والايقاع السريع لازم أفكر نفسي كل شوية:

النمو محتاج وقت، التغيير محتاج وقت، المعرفة محتاجة وقت.

ومعنديش إختيار غير الإنتظار.