العمر مايكفيش إننا نعمل فيه كل حاجة.
في حاجات كتير جداً في الحياة ممكن تتعمل زي الأكل، النوم، اللبس، الشغل، العلاقة مع إله, الخدمة، التطوع، اللعب, العلاقات، ممارسة الهوايات، ممارسة رياضة، الخروجات، حضور حفلات, متابعة مواقع التواصل الإجتماعي، العبادة، القاعدة مع النفس، القراءة، سماع موسيقى، تنمية المهارات، التعليم، المذاكرة، التأمل، الشراء، الترفيه، مقابلة الأصدقاء، متابعة أخبار البلد والسياسة وغيرها من الحاجات الكتير جداً اللي ممكن تتعمل.
كل واحد فينا عنده ليستة من الحاجات المهمة بالنسباله أو بالحاجات اللي لازم يعملها أو بالحاجات اللي بيحب يعملها أو بالحاجات اللي نفسه يعملها.
مش شرط تكون لسته مكتوبة أو واضحة المعالم والترتيب والمواعيد .. لكن على الأقل في أذهنا.
مش كل اللي نفسنا نعمله بنعمله
ولا كل اللي لازم نعمله بنعمله
ولا كل اللي بنعمله لازم نعمله
العمر قصير مهما طال ومش هايتعاش غير مرة واحدة.
في حاجات ماينفعش يعدي عمري من غيرها.
والقرار قراري أختار إيه وأسيب إيه ..
